معالي الوزير

بسم الله الرحمن الرحيم

 

شخصية النورس هي اسم لشاب تعرفت عليه عن طريق الإنترنت وتربطني به علاقة أخوة كبيرة وتشرفت بالتعرف علية … وربي يسعده وين ما كان ..
ووضعتها بطل القصة كمزاح معه و لاستخدام اسمه … وأيضا رد على بعض مزحاته معي .
ونشرت القصة على أربعة أجزاء في نهاية كل جزء مجموعة أسئلة تتعلق بالموضوع وأيضا لمعرفة رأي الناس بما يدور

 

 

بداية القصة :

 

في مره من المرارير (جمع مره = مرات)قام وزير التربية والتعليم بجولة على مدارس مكة المكرمة من باب المتابعة والإطلاع …وفي يوم الاثنين من احد ايام الاثنين اللي بالدنيا ….زار الوزير والوفد المرافق له مدرسة ” السلامة غنيمه الثانوية “… ضمن جولته الميمونة … حفظه الله

وتم استقبال الوزير بما يليق به من ترحيب … ومن ثم بدأت جولته على الفصول …

وفي احد فصول هذه الثانوية المنكوبة …. يوجد مدرس كيمياء على قده …… و ما يعرف من الكيمياء إلا حروف اسم المادة .

ودخل الوزير ومن معه على الفصل ورحب بهم المدير .. ومن ثم المدرس …

وطلب الوزير من الأستاذ أن يستمر في شرحه ودرسه لكي يتابعون معه مدى نباهة الطلاب …

وهناااا …. تورط الاستاااذ بقوووووه ………

فقال المدرس : وش رايك يا معالي الوزير تتعرف على ابنائك الطلاب وتقدم لهم نصيحه من خبرتك الطويله لانه فرصه قيمه لهم …

(احرااااج …. قدر المدرس يتهرب من إلقاء الدرس لأنه أصلا ما حضر المادة … فقدر يحول الموضوع على الطلاب وكذا يكون فكه الله …)

فقام الوزير مرتجلا … وألقى السلام على الطلاب وبدا يتكلم ……..

وبعد ان القى كلمته ونصائحه … سال الوزير الطلاب …

الوزير : وش رايكم باستاذكم الكريم هذا ؟ (يقصد أستاذ الكيمياء)

فقام احد الطلاب الكرام وقال :

الطالب : هدا مدرس أي كلام …… فرحان يجي يقولنا اتي (الاتحاد) يفوز ويكسب ….

المدرس : يا ابني هذا كله مزح بيننا … ومجرد تخفيف من جو الدرس وبعدين نرجع لدرسنا عادي …

الولد : اي تخفيف ياواااااد ..؟؟؟ انتا طل كلامك ان الاتحاد هو البطل …. واذا تعبت من الكلام عن الكوره اديتنا درس خفيف

المدير (يبي يغطي على الموضوع) : يا بيي وش بلاك انت … اجلس الله مير يهديك …

الولد : ايوه ياعم … لما نقول الحقيقه تجلسونا … واذا كذبنا تخلوننا الاوائل

كل هذا والوزير يستمع ….

المدير : يا ولد اركد يهديك ربي ولا تزعج الوزير بسوالف عاديه

الولد : سوواااالف ايه يا ابو سوالف انتا … خلي وزيركم يعرف انتوا ايش تهببوا من وراااه

المدير (عصب) : اقول قم اطلع برى الفصل عشان تتادب كيف تتكلم مع اساتذتك …

الولد : اطلع ؟؟ انتا شكلك ناوي شر على هالصبح …. يابوي اندر انتا وضيوفك ولا تخليني اطلع فضايحكم …

احد وكلاء الوزير : عيب يا ولد … وشو تقول لنا اندروا … تطردنا ؟؟

المدير (وجهه احمر من العصبيه) : اقول اطلع قدامي لا تخليني اعلمك الادب …

الولد : اطلع مين يا وااد ؟؟ انا جالس في املاك الحكومه … تطردني من املاك الحكومه ؟؟ هي مدرسه امك ؟؟

واشتد النقااااااااااااش

وهنا وقف طال باخر الفصل … وجهه كله شعر كانه غابات صنوبر … (( طبعا هذا عريف الفصل ))

العريف : يا عمر بلاش مشاكل واطلع برى الفصل خلينا نرحب بضيوفنا ..

الولد : ابشر يا زعيم … وربي عشانك انتا بس

العريف : تسلم يا عمر ..

وطلع عمر بكل هدوء وبدون ما يقول شيء ….

والوزير يتابع بشغف ….. وقد اعجب بجراءة العريف وكيف قام بالوقت المناسب ليني مشكله ما قدر المدير نفسه يحلها ….

طبعا المدير يبي يغطي على الهوشه فطلب من المدرس انه يلقي الدرس عشان يصرف السالفه وينسون الموضوع …

المدرس بدا يمسح السبوره … طبعا هذا الشيء المشترك اللي يعرفونه كل المدرسين … بس الفرق بالعلم …

وبدا يسال الطلاب ….

المدرس : يا شباب امس اخذنا المواد الكيميائيه الغير عضويه ؟؟؟ مين يذكرها لي ؟؟

…………. سااااد الصمت ………….

المدرس : يا شباب … ميثانول … وايش كمان ؟؟؟

…………. ومازال الصمت يسوووود ………….

المدرس ووجه الوان وعرق …. : شباب الله يرحم اللي خلفكم … احد يقول حاجه لا تخربون بيتي …؟؟

…………. كل الطلاب يشوفون السقف ………….

المدير : يحاول يغشش الطلاب ويقول لهم بشفايفه بدون ما ينتبه الوزير واللي معه …

المدير : اتش تو او

المدير مضيع بين تركيب الماء والمواد الكيميائيه ….

والوضع يتأزم …. والكل ساكت …

وهنا …. وقف العريف …. لكي ينقذ الموقف …..

العريف : ميثا ميثان ورب البيت بنتان *** والهكسا هكتا اخت النون ديكان

المدرس : ايش الكلام الفاضي هذا .؟؟؟

موجه الكيمياء اللي يالوفد قال: ماشاء الله … اسلوب جميل في الرد

وهنا التفت الوزير واستفسر من الموجه عن صحه الجواب … فقال الموجه ..

الموجه : الجواب صحيح .. ومميز وباسلوب شعري رااائع ….

المدرس يناظر الموجه ولا فاهم شيء … ومع ذلك تكلم وقال …

المدرس : ايوه صح … كذا انا علمتهم …. 😀

الوزير … اقترب من العريف وسلم عليه وقال …..

الوزير : وش اسمك ؟؟

العريف : اسمي النورس وينادوني اصحابي نونو …

الوزير : تشرفنا ….

العريف : الشرف لي

وخرج الوزير ومن معه وقد سجل اسم النورس في ذاكرته ………… واكمل جولته …

((============== ودارت الايام ============== ))

 

وفي احد الايام …في احد اجتماعات الوزاره …تم اقتراح ان يتم اختيار احد الطلاب لاداره الوزاره ….. لكي يتعرفون اكثر واكثر على توجههم وتفكيرهم …. ومتطلباتهم …

فقبل الوزير هذا الاقتراح …. وقال …

الوزير : انا الاسبوع القادم راح اسافر للخارج … ومستعد اعين شخص مكاني من الطلاب لحد ما ارجع … واشوف ايش عمل

احد وكلاءالوزاره : يا معالي الوزير اخاف يلعب بالوزاره … مهما كان ينقص اي شخص الخبره والمعرفه والداريه بالامور …

وكيل اخر : يا اخوي كله اسبوع … يعني ما يمديه يقول قرار واحد … بس الهدف اننا نكسب منهم مفهومهم للحياة وكيف يفكرون عشان نسوي زي ما يبون وما فيه الصالح العام

الوزير : كلام سليم … اسبوع ما يضر … ولا فيه خطوره ابد

احد الحاضرين : طب مين تقترحون طالب ؟؟

الوزير: انا براسي واحد شفته بمكه … ولد جريء.. ويعرف متى يتكلم … ونبيه …. وتحس فيه السمات القياديه ؟؟؟

احد الوكلاء : مين طال عمرك ؟؟؟

الوزير : اسمه النورس … جيبوه الاسبوع الجاي وسلموه كل شيء وخلوكم معه … واستفيدوا منه … ترى الولد تحس فيه الفايده والخير

وانتهى الاجتماع بهذا القرار .. على ان يكون النورس وزير لمده اسبوع …..

(===== وش توقعون يصير ؟؟؟ وهل يقبل النورس بهذا العرض ؟؟؟ ======)

 

(=============================================)

الأهم (الواجب) :


 

1- هل زيارات الوزراء مهمه ومنها نفع ؟؟؟ ام بس مصاريف ضايعه بالهواء ؟؟؟

2- هل يحق للطالب انه يرفع صوته على استاذه ومدير مدرسته وان كام معه حق ؟؟؟

3- ميثا ميثان ورب البيت بنتان *** والهكسا هكتا اخت النون ديكان … هذا الجواب صح ام خرابيط النورس ؟؟؟

4- هل فعلا الادارات والامور الرسميه تحتاج لاشخاص من مستوى معين من الدرايه ام ان اهل المجال هم الاحق بالاداره ؟؟

4- يقول الوزير انه شاف سمات قياديه على النورس ؟؟؟ كيف يكون الشخص قيادي وقائد ؟؟

+++++++++++++++++++++++++++++++++++++++++++

 

 

الجزء الثاني من – معالي الوزير

آآآخر الحلقة السابقة ……

 

(===============================)

الوزير : اسمه النورس … جيبوه الاسبوع الجاي وسلموه كل شيء وخلوكم معه … واستفيدوا منه … ترى الولد تحس فيه الفايده والخير

وانتهى الاجتماع بهذا القرار .. على ان يكون النورس وزير لمده اسبوع …..

(===============================)

 

في صباح يوم السبت … وصل فاكس لمكتب مدير ثانوية السلامة غنيمة … وكان نص الفاكس———————-

سري للغاية

الى الاستاذ / محمد سليمان المحترم

نرجو منكم وعلى وجه السرعة إرسال صورة من ملف الطالب / النورس بالإضافة إلى صور شخصية وأرقام هواتف ولي أمره على فاكس وزير التربية والتعليموشكرا لتعاونكم …———————-

المدير قرأ هالكلمتين ووقف قلبه …. وصار يفكر وش مسوي هالنورس …. مو كافي انه ضارب الوكيل قبل اسبوع …

المهم المدير بسرعه عمل اجتماع لاداره المدرسة مع بعض المدرسين ….

المدير : يا جماعة جاني هذا الفاكس من الوزاره يبون فيه صوره من ملف النورس … ولا اعرف السبب؟؟

الوكيل : طيب ما حاولت تعرف يا ابو حمد من احد بالوزاره عن السبب

المدير : يا حبيبي مكتوب على الفاكس سري للغاية … واخاف اسال احد اكون سببت مصيبه

الاستاذ فتحي – رياضيات : طب يا استاز(استاذ) محمد ليه ما تقيب( تجيب) الواد النورس وتساله ؟

المدير : والله انك ذكي يا فتحي … اخاف الولد عامل حاجه ولما يعرف ان الوزارة تبغاه يقوم يهرب …

الاستاذ عمر – كيمياء : الحكيكة(الحقيقه) يا ابو حمد ما بعرف اقول اشي … بس لو تنفز (تنفذ) الكرار (القرار) بسرعه عشان ما يقولوش اشي بالوزاره . وبعدين نعرف الكصه (القصه ).

المدير : الله يستر بس …

الوكيل : عجل عليهم يا ابو حمد عشان ما يزعلون منك …

المدير : بقوم ارسلهم الحين ونشوف وش ممكن يصير ….

الوكيل : طيب خلصنا من النورس ايش صار بخصوص الحفل … مين راح يكتب المسرحية والاناشيد ..

الاستاذ عثمان – لغة عربية : ازا تتفزلون (تتفضلون) وتتكرمون وتسمحون لي بان اكتب الغيصص (القصص) وكمان الاشعار لاني موهوب فيها من زمان .

المدير : خلاص يا عثمان .. انت زين الحفل كله … ووزع المهام مع بقية المدرسين والطلاب .. وانا ابي اتفرغ لموضوع النورس ..

وانتهى الاجتماع …..

وقام المدير بارسال المطلوب منه الى فاكس مكتب الوزير …. وجلس ينتظر الرد ….

وفي هذه الاثناء … دخل الاستاذ علي استاذ الرياضة …..

الاستاذ علي : صباح الخير ابو حمد … وش فيك .. شكلك متضايق مررره

المدير : يا اخوي الوزاره طالبه ملف النورس وانت تعرف النورس وافعاله … يعني اكيد مسوي مصيبه ..

الاستاذ علي : طيب اسال النورس وش مسوي ..؟؟

المدير : اخاف اساله ويعرف ان الوزاره سالت عنه ويهرب .

الاستاذ علي : طيب خلني نا اركضه لك بالملعب لحد ما ادوخه لكل تحت الشمس وكذا يتكلم غصب ..

المدير : تتوقع انه ممكن اذا تعب يتكلم …؟؟

الاستاذ علي : يا بوي هذي شغلتي من يوم انا رئيس نادي الحارة … كنت اللي ما يسمع كلامي او ابي منه شيء ويرفض اجلس اخليه يركض لحد ما يسوي اللي ابيه عشان ارحمه ..

المدير : نجرب … زين اللي تبي …

وهناااااا اشتعلت عينا الاستاااذ علي ضوء احمر من الشرررررر وفرحا ان اصبح النورس بين يديه ……

الاستاذ علي طلع من المكتب ومتجه لصف النورس … وهو يكلم نفسه ويقول :

( اخيراااا جت الفرصه يا النورس … ياويلك مني … ما راح انسى يوم تحرجني قدام الطلاب عشان كرشتي وتخليني مضحكه كلهم … ما انساها لك .. وجاء دوري اخذ حقي بالقانون نيهاهاهاهاها )

ووصل الاستاذ علي من الفصل .. وطرق الباب وفتح الباب …

الاستذا علي : السلام عليكم … بعد اذنك يا استاذ عبدالله .. ابي النورس .

الاستاذ عبدالله (فرحااا يوم سمع ان النورس راح يطلع من الفصل .) : لا عااااادي .. لو تبي خذ الفصل كله …

الاستاذ علي : لا تسلم … النورس يكفي

الاستاذ عبدالله : اهم شيء هالنورس … بس نرتاح منه ..

يا نووورس .. يالله قووووووم ورح مع استاذك وشف وش يبي ….

النورس يقوم من كرسيه وهو يتلفت ببرووود ويقول لزملائه وفي وجهه ابتسامه فرح انه راح تسلى باحد غير الاستاذ عبدالله ….

النورس : يالله شباب … اتركم … اعتبروها فاصل اعلااااني وارجع لكم …..

وطلع النورس مع الاستاذ علي …. ومشى الاستاذ علي والنورس خلفه

النورس : خير يا علي ,,, وش صاير بعد ؟

الاستاذ علي : وشو علي هذي ؟؟؟ صاير تمون ؟؟ قل الاستاذ علي … تفهم !!!

النورس: يا اخوي كلنا عيال ادم … ولا فيه بين الاحباب القاب …

الاستاذ علي : احباب … انا وانت واحباب ؟؟؟ الله لا يقوووله

النورس : تكفى عاد ياللي ميت عليك …. احمد ربك اني امشي معك .. مع اني ما احب امشي مع ناس يجيبون لي الشبهه …

الاستاذ علي : وووجع .. من اللي يجيب الشبهه ؟؟؟ انا او انت ؟؟

النورس – بكل برود : انت تجيب لي الشبهه ويقولون الناس اني عاقل واصادق مدرسين … والعياذ بالله

الاستاذ علي هنا وجهه صار احمر من الغيظ .. وسكت … وهو يحك اسنانه ببعض ويتوعد النورس ……….

ووصل النورس مع الاستاذ علي الى ملعب المدرسه ….

الاستاذ علي : يالله ابيك تدور على الملعب 50 مره …

النورس : ليش راح تضموني لمنتخب الاولمبي ؟

الاستاذ : اقول يالله تحرك ولا تتكلم ….

النورس : طيب طيب …

وبدا النورس يمشي حول الملعب دون اي تعب او مجهود ……….

والاستاذ علي يناظر له ويزداد حنق عليه ….

النورس : هاه .. ما يكفي كذا ؟؟ تراي مليت …

الاستاذ : لا توووك لحد ما تتعب ..

النورس : عادي اصلا انا متعود امشي كل يوم 20 كيلو عشان لياقتي تصير عاليه ..

الاستاذ : 20 كيلو ؟؟؟؟؟؟ ووجع يعني لو تركض من الحين الى بكرى ما راح تتعب

النورس : اكيد … انا اتدري عشان اذا انحشت من شله او من المدرسه او من الشرطه ما اتعب على طول

وهنااااا تحطم الاستاذ علي …. وحقد على نفسه … وزاد حنقه على النورس …

الاستاذ علي : يالله يا النورس .. وقف ورح لفصلك

النورس : اروح … بس تونا … باقي 6 لفات … عشان اكمل 100

الاستاذ علي : خلاص انا كنت ابي 50 وانت ما قصرت .. يالله رح لفصلك لا تجيب لي الجلطه …

وهنا خرج النورس من الملعب واتجه لفصله … ولم يفهم ما سبب هذا التدريب ….

(===== وش توقعون يصير ؟؟؟ وهل يقبل النورس بهذا العرض ؟؟؟ ======)

(=============================================)

الاهم (الواجب) :

 

1- هل زيارات الوزراء مهمه ومنها نفع ؟؟؟ ام بس مصاريف ضايعه بالهواء ؟؟؟

2- هل يحق للطالب انه يرفع صوته على استاذه ومدير مدرسته وان كام معه حق ؟؟؟

3- ميثا ميثان ورب البيت بنتان *** والهكسا هكتا اخت النون ديكان … هذا الجواب صح ام خرابيط النورس ؟؟؟

4- هل فعلا الادارات والامور الرسميه تحتاج لاشخاص من مستوى معين من الدرايه ام ان اهل المجال هم الاحق بالاداره ؟؟

5- يقول الوزير انه شاف سمات قياديه على النورس ؟؟؟ كيف يكون الشخص قيادي وقائد ؟؟

++++++++++++++++++++++++++++++++++++++++++++++++

 

آخر الحلقة السابقة ..

..

(===============================)

واخذ الوزير النورس سماعه الهاتف .. واتصل بالسكرتارية .. وقال :

النورس : اسمع يا ولد … صدر قرار رسمي الآن بطرد مدير ثانوية يالله السلامة …. وتعيين خالي حموده البنشري مكانه ……………

(===============================)

 

بعد ذلك توجه الوزير الى خارج المكتب لكي يتفقد احوال الموظفين …

وأول ما خرج حصل ابو محمد الفراش …

النورس : يا شيبه … تعال هنا ….

ابو محمد : سم يا طويل العمر ..

النورس : ايش طويل العمر هذي … شايفني ابليس… ؟؟

ابو محمد : لا الله يحيك .. بس ادعي لك ؟؟

النورس : اسمع .. انت وش تشتغل هنا ؟؟؟

ابو محمد : انا الفراش .

النورس : يعني زي ابو علي فراش مدرستنا …

ابو محمد (مو فاهم شيء) : يمكن يا طويل العمر

النورس : اقولك لا تقولي طويل العمر بلى في شكلك ..

ابو محمد : ابشر .. ابشر ..

النورس : طيب وين الموظفين فيه … ابي اشوفهم ..

ابو محمد : الموظفين في مكاتبهم ..

النورس : ابي الموظفين اللي عندهم كل بيانات المدرسين … وينهم ؟

ابو محمد : من هنا طال عمرك …

النورس : اقولك لا تقولي طويل العمر … يالله مشي قدامي ..

ومشى النورس مع ابو محمد الى اداره شؤون الموظفين …

وهناك …

دخل النورس … وعلى طول فتح باب مدير القسم … وحصله يشرب شاهي ..

النورس : ايش البهلله هذي …. جالس تشرب شاهي ومسيب العمل …

مدير القسم (عيونه طايره من الدهشه): لا … ابد .. بس اشرب وانا اشتغل ..

النورس : هذا اسمه اهمال ,,, يعني لو ينكب الشاهي على الاورق … مين مسؤل ؟؟ هاه ؟؟

مدير القسم : طول عمرنا نشرب ولا انكب شيء ولله الحمد …

النورس : وكمان تراددني … اقولك كلم مدير مكتبي الان يجي …

وفعلا .. اتصل مدير القسم على مدير مكتب الوزير وجاء على الفور ..

النورس : اسمع يا واد … اكتب هذا القرار وبدون مناقشه ويتنفذ فورا …

مدير المكتب : ابشر طال عمرك ..

النورس : يتم منع شرب أي شيء داخل الوزاره منعا باتا لحد ما ينتهي العمل .. واللي يشرب أي حاجه يخصم من راتبه يوم كامل ..

مدير المكتب يكتب القرار وهو مو فاهم شيء ….

النورس : ثانيا … تنقل هذا المدير طويل اللسان الى جيزان … وتعين مكانه ابو محمد ..

مدير المكتب : مين ابو محمد ؟

النورس (ويشير للفراش): هذا يا ادمي …

وخرج النورس ,,,,

وترك مدير مكتبه ومدير القسم وابو محمد الفراش في دهشه وتعجب …

وفي الممر … شاهد النورس هندي شايل قهوه وتمر …

النورس : تعال يا صديق… لمين هذا ؟

الهندي : هذا حق مدير المساريع (المشاريع)

النورس : طيب ابغى زيه … بفلوس او بلاش ؟؟

الهندي : بلاس سير ..

وذهب الهندي على عجل واحضر دله وتمر للوزير وهو بالممر …

واخذ النورس القهوه وبدا ياكل من التمر … وهنا خرج مدير مكتبه وابو محمد من قسم شؤون الموظفين …

شافهم النورس فقال : شوف يا ابني .. أي حاجه ممنوعه ما عدا القهوه عادي .. وفنجالين بس باليوم 😀

وعاد الى مكتبه وهو يحمل القهوه بنفسه عشان محد شوفه ويضايقه …

وجلس يتقهوا … .. بعدين تذكر ايام الثانويه وايام الدشره … ويوم كان يتقهوا مع مسكتهم وعلي الدبه وسعيد محاسن …

فرفس السماعه واتصل بمدير مكتبه وقاله سجل هذا القرار :

يتم احضار كل من :

فؤاد عباس المشهور بـ مسكتهم

علي عبدالرحمن المشهور بـ علي الدبه

سعيد مبروك سعيد المشهور بـ سعيد محاسن

وتعيينهم في المكتب الخاص للوزير .. وينفذ فورا …

وفعلا تم الاتصال والتنسيق واحضار المدعوين على طائره الغد …

وجاء وقت الصلاة …

وخرج النورس يصلي … وشاف الموظفين في المسجد ماشاء الله واجد …

فصلى معهم بعدين وقف بعد الصلاة يبي يخطب فيهم … فقال :

(( ايها الموظفين … السلام عليكم في وزارتي وانا الحقيقه مبسوط كتير انكم ويايا … بس ابغى منكم الانضباط وعدم التلاعب في املاكي او البهلله .. وتهتمون بشغلكم وانا واعوذ بالله من كلمه انا ما عندي رحمه … اللي يتلاعب على طول اووت .. فاهمين ؟؟ ))

وخرج من المسجد ومتجه لمكتب معاليه ….

في هذه الاثناء … شافه واحد من الموظفين الاحرار …. (احم احم ) .. وعلى طوله مشى وراااه لمكتبه ..

ودخل النورس وعلى طول طلب هذا الدخول لمقابلته …. ودخل ..

النورس : مين انت ؟؟

الموظف : انا تلميذكم احمد كرم الله مصطفى .

النورس : ايش تبغى ؟

الموظف : ابغى اطرح على معاليك موضوع مهم ولصالح التعليم …

النورس : ايش هو ؟

الموظف : المصاريف التي تصرف من الوزاره عشان فارق التعليم بين البنات والاولاد .. كلهم نفس المناهج ونفس الترتيب بالسنوات .. فليش الفارق ؟

الورس : يعني ايش اعملك ؟

الموظف : نخليهم مشترك وكذا تكون مدرسه وحده ومدرس واحد بدل ما يكون مدرستين ومدرسين .. وكذا نوفر …

النورس : نوفر … صح كلامك ..

الموظف : وكذا تثبت انك انت الوزير الي خايف على اموال الدوله وحريص عليها .

النورس : صح ..

الموظف : وكذا نور في اشياء كثيره وايضا نقلل عبا على الوزاره …

النورس : كلام حلو

الموظف : وايضا الاحتكاك بين الطلاب والطالبات يتعلمون من بعض اشياء كثير ولا يصيرون خجولين اذا كبروا ولا يعرفون يسوون شيء ..

النورس : صح .. عشا ناذا كبروا يكونون متعودين على البنات ولا يهتمون لهن ابد ,, مو اول ما يشوفون اسد يلحقونه حتى لو يكون تيس نجدي ..

الموظف : ياعيني على النظره الثاقبه للمستقبل .. فعلا محظوظين فيك احنا ..

النورس (بدا يتنفخ وبسمته تشق وجهه :D) :اشكرك …

ورفع النورس السماعه وطلب مدير مكتبه وقال : سجل هذا القرار ..

(( يتم دمج جميع المراحل الدراسيه بين الاولاد والبنات على ان يكون العدد متساوي في كل فصل … عدد الاولاد يساوي عدد البنات .. عشان الغيره ))

وقال الموظف : ينصر بيتك زي ما نصرتني … راح تكون انت بطلنا وقدوتنا …

النورس ( موفاهم شيء بس فاتح فمه مبسووووط 😀 ) : اشكرك

وخرج الموظف …

ووقتها طفش الوزير واصابه الملل .فقال اروح للفندق احسن لي …

وهو طالع … دخل رجال عليه وهو يبكي ……………..

 

(===============================)

الأهم (الواجب ):

1- هل شرب الشاهي والقهوه تؤثر على العمل .. ام ان المشكله فيمن يشرب القهوه … ؟؟؟

2- هل الدمج بين تعليم الاولاد والبنات مفيد مستقبلا ام مضر ؟؟ ما رايك ؟؟ وماذا تقترح ؟؟

 

+++++++++++++++++++++++++++++++++++++++++++++++++++++

 

 

…..آخر الحلقة السابقة

(===============================)

ووقتها طفش الوزير واصابه الملل .فقال اروح للفندق احسن لي …

وهو طالع … دخل رجال عليه وهو يبكي ……………..

(===============================)

 

النورس : ايش فيك تبكي ؟؟

الرجل : الحقني يا طويل العمر …

النورس : ايش فيك ؟؟ ايش صاير ؟

الرجل : ولدي مات في حادث بباص المدرسة … وعطوني جثته بالمستشفى … ولا فيه أي عقاب على هذا الاهمال …

النورس : كيف اهمال … حادث .. ؟؟ يعني قضاء وقدر ..

الرجل : يا طويل العمر كل شيء قضاء وقدر … بس السواق كان مهمل ولا نام كويس …

النورس : وايش صار ؟

الرجل : ارجوك … حط نفسك مكاني … ابنك يروح المدرسه ولا يرجع … والسبب واحد سهران بالليل مع اصحابه ومهمل عمله …

النورس : دقيقه …

واتصل النورس على وكيله .. وجاء على الفور …

النورس: تعال وفهمني ايش قصة هذا الحادث .. وكيف مهملينه …

الوكيل بدا يتكلم مع الرجل .. وفهم منه القصه …

الوكيل : معاليك .. هذا حادث صار قبل اسبوع في روضه في احد الاحياء هنا .. ونتج عنه وفاة ابن هذا الرجل .. واصابه ولدين باصابت كسر حوض وعمود فقري … والبقيه بس كسور عاديه واصابات طفيفه ..

النورس(وعيونه طالعه): بس !!!

الوكيل : بس اللي يحييك ..

النورس: يعني الموضوع عادي ومو خطير …

الوكيل : ايه الله يسلمك .. وهذا يعتبر قضاء وقدر …

النورس : طيب كيف صار الحاث بالضبط .. ابي تقرير الشرطة …

الوكيل : الحادث ان الباص صدم في عمود الكهرباء وتقلب بالشارع ثم سقط في حفريات بالطريق …

النورس : وايش اللي جعل السواق يصدم العمود ؟

الوكيل : شكله كان نايم ياطويل العمر ..

النورس : اها .. يعين عادي .. قضاء وقدر ..

الوكيل : بالضبط … والحمد لله على كل حال ..

النورس : طيب انت ابناءك باي مدرسه ؟؟

الوكيل : ابنائي الله يسلمك 3 … واحد بالثانويه اخر سنه .. والثاني بثاني متوسط .. والصغير بأولى ابتدائي ..

النورس : اها .. طيب ممكن تاخذ هذا القرار مني …

الوكيل : اكيد .. امرني طال عمرك ..

النورس: نفس السواق اللي صار عليه الحادث هو نفسه اللي ينقل اولادك الثلاثه كل يوم لمدارسهم ويرجعهم … وكل يوم بالليل يجي السواق يسهر معي بالفندق …

الوكيل : ايش ؟؟ بس طال عمرك كذا راح يذبح اولادي …

النورس : طيب .. اذا ماتوا صير قضاء وقدر …

الوكيل فهم قصد النورس .. ونزل راسه .. ثم قال …

الوكيل : ايش تامرنا نعاقب هذا السواق …

النورس : أي سواق يصير له حادث ويثبت انه مهمل فيه … يعاقب باحاله للقضاء الشرعي .. ومنعه من حقوق التقاعد ويغرم بـ 500 الف عن كل اصابه في احد الطلاب ..

الوكيل : مع ان القرار مخيف وخطير .. بس ابشر ..

النورس : نفذ الله يهديك يارب …

الرجل : وانا وش يصير علي طال عمرك …

النورس : بكرى باذن الله انا وانت والسواق عند الشيخ … وهو اللي يحكم .. وربي يصبرك ويعوضك خير يارب …

الرجل : جزاك الله خير يااارب .. على الاقل كذا نرتاح ان دم ابني ما راح عشان خاطر مستهتر …

النورس : الله يعضو عليك …

وخرج الرجل …. وهو يدعي ويحتسب اللي صار ….

وخرج النوورس ….

ومن صباح الغد …

النورس والسائق والرجل …. امام الشيخ في احد المحاكم …

النورس : ياشيخ انا مالي علاقه بالموضوع … بس ما ابي الاستهتار وضياع حقوق الناس …

وقال النورس القصه للشيخ …

ثم قال : وانت لازم تحكم بالشرع والحق تحقه …

وخرج النورس عائدا للوزاره …

واول مادخل مكتبه … طلب القهوه …

ثم طلب مقابله مجموعه من المواطنين ….

فقبل دخولهم عليه … واستقبلهم …

احد المواطنين : يا معالي الوزير … احنا جينا نشتكيك لنفسك ونحتج على قرارك بخصوص الدراسه المشتركه … مو معقول تخرب عيالنا وبناتنا يا طويل العمر …

النورس : ايش فيها .. من الافضل انهم يتعلمون مع بعض … عشان يتعودون من الصغر انهم ما يحتكون ولا يغريهم أي حرمه تمشي …

احد المواطنين : بس هذا يترتب عليه انك تكسر حاجز الحياء عند البنات … وحاجز الغيره عند الاولاد ..

النورس : ما فهمت .. وضح ..

المواطن : يعني طال عمرك ..لما يتعود الطالب يشوف البنت معه فرضا اخته او قريبته او غريبه عنه … يشوفها ومعه زملائه .. شوي شوي راح يتعود انه عادي أي زميل له او شخص غريب يشوف النساء قدامه وان كانت قريبته .. وكذا دخلنا في تفكك المجتمع وعدم غيره ابنائه …

وايضا لما البنت تتعود تشوف الشباب حولها .. راح ينتهي الحياء عندها .. وتصير جدا عادي تتكلم او تجلس في وجود ايش شخص … وهنا معناة انك قتلت الحياء في امهات المستقبل …

النورس .. كانه بدا يعيد التفكير …

واستمر النقاش وطال … قرابه الساعتين … والنورس يستمع …

وبالاخير .. انتهى على انه استعجل في قراره .. واصدر قرار ينفي القرار السابق مع الاعتذار للجميع ..

وبعد خروجهم …

تررررن ترررررررن ,…

التلفون المباشر لمكتب الوزير ….

النورس يقترب ويرفع السماعة … فياتي الصوت مخاطبا له ..

اخبارك ياوزير … ان شاء الله طيب ..

النورس : بخير .. من معي ؟

الصوت : انا ….. ( سياحي بقوه )

النورس : حياك ربي ..

الصوت : شوف ارسلت لك واحد من طرفي ابيك تعينه عندك بشؤون الماليه …

النورس : طيب هذا ايش شهادته او تخصصه …

الصوت : مدري عنه .. اعتقد جغرافيا او لغة عربيه …

النورس : بس هذا ايش فهمه بالشؤون الماليه ؟؟؟

الصوت : اقول نفذ ولا يكثر ….

النورس : اسف .. بشؤون الماليه يعني ممكن يلعب بالميزانيه كلها …

الصوت : كيف كيف ؟؟ انت ترفض اوامري ..

النورس : طالما ما تخدم الوزاره اكيد ارفض …

طرااااخ .. قفل صاحب الصوت السماعه بقوه ………….

النورس: ابرك … انا ناقصك انتا كمان … والله اشتقت للفصل والشباب …

وكلها ربع ساعه … وياتي خطاب باقصاء النورس عن مهمته … واعادته حيث كان …

وعاد النورس لشلته … ولربعه ….

قد يكون للنورس جوانب سيئه في ادارته … ولكن … ليست كل الجوانب سوداء …

فكل انسان له جانب الخير والشر .. وكل له قلب وعقل وهوى …..

فمن حكم قلبه … ضاع … ومن حكم الهواء اضاع … ومن حكم عقله اصاب المستطاع …

فإن قدرك الله على سلطه … فحكم عقلك … تكون الناجح بإذن الله …

(===============================)

الاهم (الواجب:(

1- كم نسمع ونشاهد من حوادث ومآسي لأبنائنا … فهل من يعاقبهم يتخيل انه اب لهم ام مجرد حكم لا يمكل في جوانحه أي قلب ..؟؟

2- يقول المواطن : ان الإختلاط له مشاكل عديده … فهل رايك معه او ضده ؟؟

3- رفض النورس الواسطة … فخرج من منصبه …. هل الواسطة داء أم دواء … ام ابتلاء ؟؟

4- القصه هدفها ان تبين كم للرؤساء من اعمال خطأ … ولكن قد يكون لهم جوانب سيئه .. فهل اتضح هذا الهدف ام اخطانا في التوضيح ؟؟

(===============================)

 

 

(===============================)

انتهت معاناة الوزارة مع وزيرها النورس …

وانتهينا بعون الله ….

(===============================)

(===============================)
القصة خياليه … مع الاحترام والتقدير لكل من ذكر اسمه في قصتي
(===============================)

مع محبتي واحترامي ….

من قصص الف عزيز وعزيز

 

 

عن Aziz

مجرد قلم خجول .. يخفي في طياته أكثر مما يكتبه ... ويحب أن يكتب الجميل ، وأن يسطر فيه خير لكل الناس ...