نفس في نفسي …!

بسم الله الرحمن الرحيم

 

 

 وقفت اكتب شعر يحكي معاناتي …
 

لقيت الشعر مهب شعر … ولا الابيات ابياتي
 

 


لقيت حرفي على حرفك … يكون معنى ما يفهم
 


انا احكي عن اللي ابيه … وانت تحكي ما تفهم
 

 

ويبقى المعنى متشتت .. ما بين فهمك وفهمي

واظل انا متشتت … على امل تفهمني ..
 

 

واعيد الحرف والمعنى .. وحكي ماصار له معنى

ابي اقول واتقصد ..

واحكي كل ما يسعد ..
 

 

ابي حرف يقول الحق .. وجملها كلها تِصدق …
 


ابي دمعي اذا ينزل … يكون للنزول اسباب ..

يكون لفقدي الاحباب …

يكون لخوف من وهاب ….

  

  

  

واظل ابكي … لحد ما حروف الضحك تبكي …

وتعرف اني متشتت … ابي افهمه ويفهمني …

  

واذا جاني من يطلب …. غرض اوحاجه لدنياه

  

ولي مقدور انفذها واتالي هم تنفيذه …

  

افز بكل الفرح والحب … واقول انا اليوم صرت ايده

  

احرك نفسي بنفسي … لحد ما اشوف تجديده …

  

ويكفي بالاخير دعوه … تقابل رب يجيبه …

  

واسنّد راسي في ليلي … واجمع كل تشتيتي …

 

واحصل نفس في نفسي … هي اللي بس تفهمني

 

 

 

مع محبتي واحترامي ….

 

عن Aziz

مجرد قلم خجول .. يخفي في طياته أكثر مما يكتبه ... ويحب أن يكتب الجميل ، وأن يسطر فيه خير لكل الناس ...