خلك معي برحلتي …. وبعدين ؟؟

بسم الله الرحمن الرحيم

 

ياكثر ما نعيش بالدنيا من دقايق وياقصر العمر فيها …..

  

خلك معي برحلتي هذي في حياتك …..

 

انولدت …. وفرحوا فيك اهلك …. حلو جدا …. عشت سنوات ما تعرف أصلا تتكلم زين …

 

وفي يوم ما تكلمت …. وااااااااااااااو يا فرحه اهلك بحروفك وكلامك …

 

بعدين الصغير صار يمشي ….. والمشي أصبح ركض ….

 

زادت الشطانه فيك …. وياحلوك وانت تضحك و تلعب …….

 

كبرت … صرت تفهم وتميز … ولما وصلت عمر الدراسة … دخلت المدرسة ….

 

صرت التلميذ اللي يشيل شنطته  …. ويتعلم القراءة والكتابة ….

 

ومشت أيام الدراسة …. ابتدائي وبعدها الإعدادي …. ثم الثانوي …

 

تخرجت …. ودورت لك كليه تدخلها … او معهد تدرس فيه او وظيفة تشغلك … او جلست بالبيت عاطل …

 

 

وبعد هذا كله …. يجي اليوم اللي تتزوج فيه …..

 

ومع الأيام ,,,, رزقك ربي مولود …..  ااااااااااااااااالله … الآن صرت أب …

 

والابن كبر …. ودرس … وتخرج …. وتزوج ….

 

وأنت أيضا كبرت ….

 

وبعدين جت المنية وساعة الحق …. وتوفاك ربي …

 

يالله ………… قلي وش طلعت من هالدنيا ؟؟؟؟

 

تتوقع إنها طويلة او قصيرة …؟؟

 

امش فيها خطوه خطوه ومشهد مشهد … بتشوفها قصيررره جدا مهما طالت

 

وبالأخير وش راح يصير … بالأخير موت ….

 

بالله لو فكرت انك بالأخير ميت ما تهون الدنيا بعينك ؟؟؟

 

هل تستحق إننا نتشاتم او نتزاعل .؟؟؟؟

 

إننا نحقد او نتخاصم …؟؟؟

 

إني افني عمري اجمع  مال … عشان أموت ويورثه بعدي أولادي اللي وفرت لهم مال وما عطيتهم من وقتي اوفر لهم دين وادب وعلم …

 

 

هل تستحق إني أذنب ؟؟؟ او اخطي ؟؟؟

 

هل تستحق إني ازعل أمي او أبوي ؟؟؟؟

 

 

هل يستحق هذا الوقت القصير إني اكذب ؟؟؟؟؟ او أنافق عشان شيء لدنيا مرررررره قصيرة ؟؟؟

 

 

وهل وهل وهل ؟؟؟

 

جابوها بنفسك يا غالي … وتذكر …. ترى يوم يقولون الدنيا ما تسوى

 

يقصدون فيها إنها فانية وما تسوى إننا نخطي ونضيع عمرنا بالأخطاء وبالأخير نموت بعد هالعمر القصير ..

 

ومهما طال …… فعمري مره قصير

 

وربي يحسن خواتيمنا وإياكم

 

 

 

 

مع محبتي واحترامي ….

عن Aziz

مجرد قلم خجول .. يخفي في طياته أكثر مما يكتبه ... ويحب أن يكتب الجميل ، وأن يسطر فيه خير لكل الناس ...